Bangkay ng babae, natagpuan sa Balayan

Balayan, Batangas – Bangkay na nang matagpuan ang isang babae sa may damuhan sa Barangay Sampaga nitong Lunes.

Tadtad ng tama ng bala sa katawan at naliligo na sa sariling dugo ang biktima nang madiskubre ito ng isang Bong De Guzman dakong alas-11:50 ng umaga. Wala pang pagkakakilanlan ang pulisya sa biktimang tinatayang nasa taas na 4’6, naka bestida at tsinelas, at may red at brown na buhok.

Agad namang inireport sa barangay at sa pulisya ang nasabing insidente at sa ngayon ay nagpapatuloy ang imbestigasyon sa pagkakakilanlan ng biktima at ng suspek at ang motibo sa pagpaslang.

4 bangkay, natagpuan sa loob ng rain water tank sa Lipa

Lungsod ng Lipa, Batangas – Bangkay na nang matagpuan sa loob ng isang tambakan ng tubig ulan ang apat na trabahador sa Barangay San Francisco ng bayang ito nitong Martes ng umaga.

Kinilala ang mga biktimang sila Jimuel Dimaculangan, 30 anyos; Jose Balboa, 47; Enrique Erilon, 37 at Jasper Espejo, kapwa residente ng nasabing barangay.

Ayon sa report,  badang alas 7:15 ng umaga.nakita at nadiskubre ni Rufino Tagle, kapatid ng biktimang si Dimaculangan ang mga biktima na wala ng buhay at nakalutang na sa nabanggit na tambakan ng tubig,kayat agad iya itong ipinag bigay alam sa kina uukulan.

Sa pag-iimbestiga ng mga pulis, ang naturang imbakan ng tubig ay walang ibang butas, kundi ang daanan lamang nito papasok.

Napag-alaman din na ang mga biktima ay nag-tatrabaho sa loob ng imbakan na bahagi ng itatayong resthouse at pinaniniwalaang namatay dahil sa suffocation ang mga manggagagawa.

Lolo, patay matapos na mahit and run ng van sa San Juan, Batangas

San Juan, Batangas – Patay ang isang sisentay uno anyos na lolo matapos na mahit and run ng van sa may national highway, Barangay Tipas nitong Lunes.

Nasawi sa aksidente ang biktimang kinilalang si Rolando Vergara.

Base sa imbestigasyon ng pulisya, dakong alas-singko kinse ng umaga, naglalakad lamang pauwi sa kanyang tahanan ang biktima nang bigla na lang itong mabuntol ng puting Mitsubishi L300 van dahilan para tumilapon ito sa damuhan sa gilid ng kalsada.

Imbes na tulungan ay diretsong humarurot lamang ang driver ng van at sa CCTV footage ng barangay ay makikita ang mabilis na pagdaan ng van papunta sa direksyon ng Candelaria, Quezon, na ayon sa nakasaksi ay siyang nakabundol sa lolo.

Hindi hagip sa CCTV video ang plate number ng naturang sasakyan kayat hanggang ngayon ay nananatili pa ring blangko ang mga otoridad.

 

Nagtamo ang biktima ng malubhang mga sugat at pasa sa katawan na naging sanhi ng kanyang agarang pagkamatay.

 

Hustisya naman ang sigaw ng mga kamag-anak ng biktima sa kanyang pagkamatay. Panawagan nila sa driver ng van, sumuko na sa pulisya at tulungan sa gastusin sa pagpapalibing ang mga naulila nito.

1 patay, 2 sugatan sa pamamaril sa jeep sa Lipa

Lungsod ng Lipa, Batangas – Isa ang patay habang dalawang iba pa ang sugatan matapos na pagbabarilin ng di pa nakikilalang suspek ang loob ng isang pampasaherong jeep sa Barangay Banay Banay nitong Lunes.

 

Wala pang pagkakakilanlan ang pulisya sa nasawing biktima na tinatayang nasa edad 30-40 anyos, habang sugatan at nagpapagaling pa rin sa Metro San Jose Medical Center ang mga biktimang sila Earl Asilo at Romeo Mayo, na nadamay sa pamamaril.

 

Sa inisyal na imbestigasyon, dakong ala-1:50 ng hapon, sakay ng jeep ang mga biktima na noo’y papunta sa direksyon ng Cuenca, Batangas nang bigla na lang binaril ng di kilalang gunman ang biktima na noo’y nakaupo sa bahaging likuran ng jeep habang tinamaan naman ng ligaw na bala sa kaliwang braso at kaliwang paa ang mga pasaherong sila Asilo at Mayo.

 

Agad na tumakas ang suspek matapos ang pamamaril. Nakuha mula sa crime scene ang walong basyo ng caliber 9 mm. Patuloy ang imbestigasyon sa pagkakakilanlan ng namatay na biktima at ng suspek at ang motibo sa pagpaslang.

Patok na paborita ng isang panaderya sa Lipa

Ang Fadullo's Special Paborita mulsa Brgy. Tibig (kuha ni Arvel Malubag / The Filipino Connection)

 

 

BRGY. TIBIG, LUNGSOD NG LIPA—Naalala ko noon, ani Jailel Fadullo. Boy ako sa isang gasolinahan, at 17 anyos.

[Read more…]

Negosyanteng kabilang sa high value target, patay sa pamamaril

Sto. Tomas, Batangas – Patay ang isang 56-anyos na negosyante na kabilang sa high value target matapos na tambangan ng di pa nakikilalang suspek sa Barangay San Miguel nitong Lunes.

Kinilala ang biktimang si Cesar Chavez.

Sa paunang imbestigasyon ng pulisya, pasado alas-11 ng umaga, tinatahak lamang ng biktima at ng kanyang anak na babae ang lulan ng minamanehong Honda Civic na kotse ang biktima kasama ang kanyang anka na babae nang bigla na lang siyang tambangan ng dalawang di kilalang suspek.

Nagtamo ng mga tama ng bala sa katawan ang biktima na naging sanhi ng kanyang agarang kamatayan. MAbilis na tumakas naman ang mga suspek papunta sa direksyon ng San Pablo, Laguna lulan ng Isuzu Crosswind na di naplakahan.

Onsehan sa droga ang isa sa mga tinitingnang anggulo ng pulisya sa pamamaril lalo’t napag alamang dati na itong nakulong sa kasong paglabag sa Comprehensive Dangerous Drugs Act at illegal possession of firearms. Kabilang din siya sa high value target ng Sto. Tomas police.

Nakuha mula sa crime scene ang limang basyo ng caliber 5.56 at 20 basyo ng caliber 45 pistol.

Patuloy ang imbestigasyon sa insidente.

Soon in Malvar: New science park and jobs for Lipeños, provincemates

The industrial science parks of the Science Park of the Philippines (image from SPPI website)

 

LIPA CITY [Release]–A new science park will set foot in neighboring Malvar town and will produce job opportunities for Batangueños, including this city’s residents.

[Read more…]

Lalaki, inambush sa tindahan sa Balete

Balete, Batangas – Patay na nang isugod sa ospital ang biktimang si Marlon Robles matapos na tambangan sa tapat ng tindahan sa Barangay Malabanan ng bayang ito nitong Linggo.

Ayon sa report ng pulisya, bandang ala-1:35 ng hapon, nakatayo lamang ang biktima sa harap ng kanyang tindahan nang bigla na lang itong pinagbabaril ng suspek na si June Dimaculangan bago tumakas lulan ng motor.

Tinutugis na ng pulisya ang tumakas na suspek habang nagpapatuloy ang imbestigasyon sa insidente.

Negosyante, patay sa ambush sa Lipa

Lungsod ng Lipa, Batangas – Dead on the spot ang isang 56-anyos na negosyante matapos na tambangan ng di pa nakikilalang salarin sa loob mismo ng kanyang pagmamay-aring meatshop sa Barangay Marawoy, Lipa, Batangas nitong Lunes ng madaling araw.

Kinilala ang biktimang si Noel Olan, kapatid ng kasalukuyang kapitan Melchor Olan.

Sa inisyal na imbestigasyon, dakong alas-4:45 ng gabi, abala ang biktima sa pagbabantay sa kanyang meatshop nang bigla na lang dumating ang dalawang suspek at pinagbabaril ng gunman ang biktima sa ulo na naging sanhi ng kanyang agarang pagkamatay.

Mabilis na tumakbong palayo naman ang dalawang suspek matapos ang pamamaril.

Nabawi mula sa crime scene ang tatlong basyo ng caliber 45 pistol. Inaalam pa ng pulisya ang pagkakakilanlan ng dalawang tumakas na suspek at ang motibo sa pagpatay.

Lalaki, patay sa pamamaril sa inuman sa San Juan

San Juan, Batangas – Dead on arrival na sa ospital ang isang 42-anyos na lalaki matapos na barilin sa tapat mismo ng kanyang bahay sa Barangay Poctol ng bayang ito nitong Linggo ng gabi.

Ayon sa report ng pulisya, dakong alas-7:30 ng gabi, nag-iinom lang ang biktimang si Joseph Apusaga sa harap ng kanilang bahay nang bigla na lang dumating ang di kilalang gunman dahilan para mawalan ito ng malay.

Patay na nang isugod sa ospital ang biktima na nagtamo ng sugat sa iba’t-ibang parte ng katawan.

Tinutugis na ng pulisya ang suspek na mabilis na tumakas matapos ang pamamaril.

Nagpapatuloy ang imbestigasyon sa suspek at sa motibo ng pagpaslang.